LAOAG CITY – Inlawlawag ti gobierno probinsyal iti Samar ti nagwaras a video ni Samar Gov. Ann Tan, a mapurpurwakan ti ado a kwarta kabayatan ti panagsala na iti Hermano Night ti Catbalogan Fiesta.
Iti statement, inbatad ti gobierno probinsyal ti Samar a paset daytoy ti tradisyunal a “Kuratsa” a simbolo ti panagkaykaysa ti Waray.
Nailanad pay iti statement nga amin dagiti naukkon a kwarta ket naipaay iti simban ken dagiti kapilya iti Catbalogan City.
Immuna iti daytoy, ado dagiti nangdillaw iti nagwaras a video ti gobernador aglalo ket agdama a sumangsango ti Samar kadagiti problema iti panaglayos ken kinarigat.
