LAOAG CITY – Kalikagom ti gobierno probinsyal a pagbalinen nga Information Technology (IT) Park ti sumagmamano a paset ti Takuat Training Center iti ili ti San Nicolas.
Segun ken ni Sang Panlalawigan member Franklin Respicio, iti babaen ti panangadaptar da ti ordinansa iti konseho iti ili ti San Nicolas ket maikkan da ti gundaway a mangipatungpal ti nasao nga addang.
Kuna na pay a ti 10 nga ektarya a daga a nakaipatakderan ti Takuat Training Center ket addan iti babaen ti Philippine Economic Zone Authority (PEZA) nga inaplikaran ti gobierno probinsyal.
Kabayatanna, inlawlawag ni Mr. Jeff Baloaloa iti INvest Office iti kapitolyo probinsyal a kalikagom da ti industrialization ken agbalin nga agresibo ti ekonomiya ti probinsya iti nasao nga industriya.
Patien da pay a no mabalin nga Information Technology (IT) Park ti sumagmamano a paset ti Takuat Training Center iti ili ti San Nicolas ket ad-ado manen dagiti umay agpuunan ditoy probinsya.
