LAOAG CITY – Naragsak nga inpakammo ni Gov. Cecilia Araneta-Marcos iti publiko a maipaayan ti diskwento ti exclusive admission dagiti residente ditoy probinsya para iti Himala Sa Buhangin.
Segun kenni Marcos, karaman ditoy ti libre a shuttle bus a mapan iti sand dunes a pakaangayan ti dua nga aldaw nga aktibidad intono Disyembre 5-6, 2025.
Mainaig iti daytoy, kuna pay ni Marcos a tallo a sikat a banda ti agpabuya iti Himala sa Buhangin.
Ti Himala sa Buhangin ket nangrudi idi 2012 ken tinawenen a maisaysayangkat kas paset iti panangselebrar iti Sining ken Musika ditoy probinsya ken rinugyan ni Sen. Imee Marcos idi isuna ti gobernador.
Kabayatanna, ti nasao nga aktibidad ket free admission ngem no kayat dagiti agbuya ti adda iti sango ket adda ti mabayadan.
Naamoan a no dagiti residente ditoy probinsya ket 750 pesos ti maysa nga aldaw ken 1,200 ti dua nga aldaw iti VIP idinto a dagiti turista wenno saan a residente ket 1500 pesos ti maysa nga aldaw ken 2500 ti VIP pass.
