LAOAG CITY – Inbatad ni Gov. Matthew Marcos Manotoc a nakatutok da iti panagibunong kadagiti food packs kadagii kangrunaan a naapektaran ti bagyo Ineng ditoy probinsya.
Inrakurak daytoy ti gobernador kabayatan ti press briefing a naiyuswat iti kapitolyo probinsyal kalpasan ti panagbisita da Sen. Bong Go, Sen. Imee Marcos, Agriculture Sec. William Dar ken DSWD Sec. Rolando Bautista.
Malaksid kadagiti food packs, agibunong pay ti gobierno probinsyal kadagiti agas kasta met ti construction assistance.
Inlawlawag pay ni Manotoc a ti ili a Piddig, San Nicolas, Pasuquin, Paoay ken ditoy ciudad ti Laoag dagiti kangrunaan a naapektaran ti Bagyo Ineng.
Inpakaammo na pay a nagsublin 100% ti serbisio ti kuryente basar ti Ilocos Norte Electric Cooperative wenno INEC kasta pay ti serbisyo ti danum malaksid iti ili a Pasuquin ken amianan a paset ti ili a Bacarra.
Inbatad ti Gobernador nga amin a National Road ket passable wenno malasatanen keny ti Provincial Road malaksid iti Payac Bangui Road ken iti Surong, Vintar.
Inpalgak na a ti reported houses damage ket uppat a pulo ket innem kalpasan ti bagyo.
