LAOAG CITY – Rinugyanen ti gobierno probinsyal ti nagibunong ti bagas para iti amin nga households ditoy probinsya.
Segun ken ni Gob. Cecilia Araneta Marcos, ti “rice subsidy” ket kalikagum ni Pres. Ferdinand R. Marcos Jr. a maipaay iti tunggal balay a napundoan manipud iti Local Government Support Fund wenno LGSF.
Immun-una ngem iti daytoy, inbunannag ti gobernador a maikkan ti kada balay ditoy probinsia ti sangapulo a kilo a bagas.
Kabayatanna, inlawlawagna a dagiti maibunong a bagas ket nagatang manipud kadagiti kooperatiba dagiti mannalon ditoy Ilocos Norte.
Inbatad na a babaen iti daytoy ket matulungan dagiti mannalon a mangilako kadagiti produkto da.
Naammoan a dagiti umuna a lugar a pakaibunongan ti bagas ket iti siudad ti Batac, siudad ti Laoag ken ti ili a Sarrat.
