LAOAG CITY – Prioridad ti Provincial Government of Ilocos Norte (PGIN) a pagbalinen a Barangay Ranger Officer dagiti agan-anup ken honey hunters.
Segun ken ni Mr. Marcell Tabije, mangidadaulo ti Provincial Disaster Risk Reduction and Management Office, dagitoy dagiti kangrunaan a maaw-awanan ti trabaho gapu iti kalikagom ti Gobierno Probinsyal a maliklikan dagiti mapaspasamak a grass fire ken forest fire ditoy probinsia.
Kinuna a dagiti agan-anup ken honey hunters ket pamilyar da iti lugar iti kabambantayan isu a napinpintas no isuda a mismo ti agbalin Barangay Ranger Officer.
Maipalagip a naiget nga isaysayangkat ti Gobierno Probinsyal ti patrolling kadagiti kabambantayan tapno maliklikan ti forest fire gapu ta idi napalpalabas a tawen ket nagsasaruno dagiti napasamak nga uram iti kabambantayan.
