LAOAG CITY – Pursigido ti gobierno probinsyal a mangestablisar ti plantasyon ti kape idiay Pagudpud, Ilocos Norte.
Daytoy ti inbatad ni Environmental and Natural Resources Officer Mrs. Estrella ‘Baby’ Sacro kalpasan ti positibo a panaginspeksyon idiay ili ti Pagudpud itay kallabes.
Naiyuswat ti inspeksyon babaen ti pannarabay ni Senior Board member Matthew Marcos Manotoc iti maysa a grupo.
Iti naiyuswat nga inspeksyon ket pimmasa iti ili a Pagudpud iti napintas a klima ken kalidad ti daga a mabalin a pagmulaan ti kape.
Innayon na a saan laeng a panagmula ti kape ti kalikagom ti gobierno probinsyak no di ket uray iti panagiproseso iti nagduduma a klase ti kape, pakairamanan ti pannakailako na iti uneg ken ruwar ti probinsya.
Naamoan a ti grupo nga immay pimmasyar ditoy probinsya ket eksperto iti panagestablisar iti coffee plantation.
