LAOAG CITY – Naminsan manen a nagipatulod ti gobierno ti Spain ti kanayunan a 500 a soldado iti rehion ti Valencia bayat a babalawen dagiti umili dagiti lokal nga autoridad gapu iti saan nga alisto a panagresponde da.
Basar iti kaudian a datus, nasurok a 200 a tattaon ti natay, no sadinno a manamnama nga ad-adda pay a ngumato ti bilang dagiti natay.
Maipalagip a ti napigsa a tudo a nangrugi idi Lunes ti nakaigapuan ti layus a nangdadael kadagiti rangtay, ken nangitunda ti nasaknap a layus.
Naruay a tattao ri naawanan ti suplay ti taraon, danom ken koriente.
Agtultuloy met ti monitoring dagiti emergency teams iti lugar ken panagipatulod ti tulong.
Iti agdama, umaboten iti 1,700 a soldado ti agtartrabahon kadagiti search and rescue operations iti rehion ti Valencia, nupay bumasbassit ti namnama a makasarak iti ad-adu pay a makalasat.
