LAOAG CITY – Indeklara ti gobierno ti Montenegro ti tallo nga aldaw national mourning basar iti nagbalin a bilin ni Prime Minister Milojko Spajic.
Daytoy ket kapasan a pinaltogan ti maysa a gunman ti di kumurang a sangapulo a tattao, agraman ti dua nga ubbing, iti Southern Montenegro.
Basar iti imbestigasyon dagiti otoridad, sumagmamano kadagiti biktima ket napaltogan iti uneg ti maysa a restaurant.
Sumagmamano kadagiti pinatay ti gunman ket ti bukodna a pamilia.
Naamuan a dua kadagiti annak na ti makinkukua iti restawran, segun ken ni Interior Minister Danilo Saranovic.
Kabayatanna, inladawan ni Spajic ti insidente kas “nakaam-amak a trahedia”.
