LAOAG CITY – Inlawlawag ni Presidente Ferdinand Marcos Jr. a masapol a mangipaay ti insentibo no gagem ti Pilipinas a makaallukoy ti ad-adu pay nga investors iti e-mobility industry ti pagilian.
Inrakurak daytoy ti Presidente iti naiyuswat a sectoral meeting iti Palasyo ti Malakanyang no sadinno a nakataripnongna dagiti opisial ti Department of Science and Technology (DOST) ken dagiti maseknan nga ahensia ti gobierno tapno pagsasaritaan no kasao nga i-develop ken pagtalinaeden ti Philippine e-mobility industry iti babaen ti siensia, teknolohia ken inobasion.
Inbatad ni Pres. Marcos ti napinpintas nga inisyatiba tapno papigsaen ti e-mobility industry ti pagilian.
Kuna pay ti Presidente a saan a problema ti disenio maipapan iti e-mobility ti pagilian no di ket iti ‘scaling’ ti industria.
