LAOAG CITY – Manamnama a mangiparuk-at ti gobierno ti Pilipinas ti department order a gagem na a mangikkat ti suggested retail price wenno SRP kadagiti basic goods ken prime commodities.
Daytoy ti inbatad ni Department of Trade and Industry Assistant Secretary Agaton Uvero.
Inpakaammo ni Uvero nga isagsaganan ti ahensya ti department order a mangsukat ti suggested retail price system nga addaan ti price range system kadagiti kangrunaan a magatgatang.
Segun ken ni Uvero, ginasut a basic goods ti agdama nga addaan ti suggested retail price nga inkabil dagiti manufacturers ken naiget a monmonitoren ti gobierno.
