LAOAG CITY – Inbatad ti gobierno ti South Korea a nakapagsarita dan iti Estados Unidos para iti pannakawaya-waya dagiti kadaraan da a naibalud iti dakkel nga immigration raid iti Hyundai plant idiay Georgia.
Daytoy ti kinumpirmaran ni Kang Hoon-sik, ti chief of staff ti presidente ti South Korea.
Segun kenkuana, addan ti inpatulod da a chartered plane a pagluganan dagiti detainees tapno makaawid dan iti pagilian da.
Nupay kasta, kuna ni Kang a masapol nga asikaswen da nga umuna ti administration procedures ken apaman a makompleto ket makaawid ton dagiti kadaraan da a nabalud idiay Amerika.
Immuna iti daytoy, inbalud dagiti US officials ti 475 nga indibidual no sadinno nasurok a 300 ditoy ket South Korean nationals kalpasan a naduktalan nga illegal ti panagtrabtrabaho da iti battery facility, ti maysa kadagiti kadakkelan a foreign investment projects iti estado.
