LAOAG CITY – Inalay-ayan ti Malakanyang ti panagamak ni Vice President Sara Duterte nga adda ti pangta iti biag ni dati a Presidente Rodrigo Duterte.
Daytoy ket kalpasan a nasaludsud iti Palasyoti rakurak ni Vice President Sara Duterte a mabalin a maipada ken ni Ninoy Aquino ti possible a pagbanagan ni dati a Presidente Rodrigo Duterte no agawid ditoy Pilipinas.
Segun ken ni Palace Press Officer Claire Castro, saan a maikompara ni Duterte ken ni Aquino gapu ta awan ti rekord ni Aquino a mass murder wenno crimes against humanity.
Innayon pay ni Castro a basar iti nagbali a panagbitla idi Duterte ket ket saanna nga inkompara ti bagina ken ni Ninoy Aquino, no di ket ni Adolf Hitler no sadinno a naminsan nan nga inrakurak a no adda ti Hitler iti Germany ket adda Duterte iti Pilipinas.
Kwinestyunaran pay ni Castro no sadinno ti pagal-alaan ni Vice President Sara ti istorya na nga adda ti pangta iti biag ti dati a presidente.
Inpetteng ni Castro a sakbay a mangiparuk-at kadagiti kastoy a rakurak ket kasapulan nga adda ti kongreto a pagibasaran.
