LAOAG CITY – Naulimek dagiti opisyal ti gobyerno probinsyal ti Ilocos Norte mainaig ti plano a panagpila ti House Committee on Good Goverment and Public Accountability ti kaso kriminal kontra kenni Gov. Imee Marcos ken ti nabayagen a nobyo na a ni Mark Chua.
Daytoy ket mainaig ti naduktalan ti nasao a komite nga overpriced dagiti nagatang a truck usar ti tobacco excise tax ken ti 56 a milyon a pisos a balur ti abono a saan a dimmalan iti bidding.
Inaramid amin a kabaelan ti Bombo Radyo Laoag a makaala ti reaksiyon kadagiti opisyal ti gobyerno ti Ilocos Norte nangruna dagiti opisyal a nagturong idiay Metro Manila a nakipaset ti panagdengngeg iti Kongreso mainaig ti misued of funds ti probinsya ngem nagkedked da a mangipaay ti komento.
