Nakasagana nga isubli ti gobyerno ti ciudad ti laoag ti nagatang da Dengvaxia vaccine ken adda iti kustodyar ti Laoag City General Hospital.
Daytoy ti pinasingkedan ni Dr. Francis Dacuycuy Chief of Hospital II ti LCGH.
Kuna na a nakapagsarita dan ken ni Mayor Chevyll Fariñas no kasano ti aramiden da iti agbalor iti 150 a ribo a pisos a bakuna kontra dengue a ginatangda iti Sanofi Pasture.
Pagyamanan ni Dacuycuy gapu ta awan ti nabakunaan iti nasao a bakuna.
Kuna na a mabalin nga awan ti nanggundaway iti daytoy gapu ta nangina iti kada tudok a tallo a ribo a pisos ket rumbeng a kumpletuen ti agpatudok iti mamitlo a daras.
Awan met ti rumbeng a kadanag iti pannakaisubli na gapu ta saan pay nagbayad ti ciudad iti nakagatangan na
