LAOAG CITY – Inbatad ni Zeilian Dae Del Mar iti Region 10 a dakkel a tulong iti pannakagun-od na ti gold medal iti Pencak Silat (Tanding Class A Female Secondary) para iti Palarong Pambansa 2025 ti kanayun a panangtungpal na kadagiti inbalbalakad kenkuana ti coach na nga aramiden na para iti nakisalipan na nga ay-ayam.
Inbalakad na pay a malaksid iti kanayun a panagtungpal iti coach ket masapol a saan nga agdandanag kabayatan ti laban tapno saan a maapektaran ti performance.
Nagyaman met ni del Mar kadagiti nagannak na, kasta met ti coach na gapu ta no awan dagitoy a nangsuporta kenkuana ket mabalin a saanna met a nagun-od ti balligi.
