LAOAG CITY – Nagbalin nga emosyonal ni Jia Ricca Salo iti Caraga Region kalpasan a nakagun-od ti gold medal para iti Pencak Silat (Tanding Class B Female Secondary) para iti Palarong Pambansa 2025.
Daytoy ket gapu ta nagbunga amin a rigat a pinasar na iti panagtraining na agingga a nadanun ti Palarong Pambansa.
Inbatad na a ti maysa a nagbalin a karit kenkuana ket no kasanu na a mabalanse ti panagtraining ken ti panagadal na, kasta pay ti panagdiyeta na.
Inlawlawag na nga uray kasanu ti bannog na iti panagsanay ket ikarigatan na latta nga ileppas dagiti module na nga uray abuten daytoy iti tengnga ti rabii.
Kuna ni Salo a daytoy ti damo a makagun-od ti gold medal gapu ta iti Palarong Pambansa 2024 ket nakagun-od laeng ti bronze medal.
Innayon na nga inkari na iti bagina a saan pulos nga agsardeng agingga a saan nga agballigi a makagun-od ti gold medal.
