LAOAG CITY – Inbatad ni Dr. Maria Lourdes Otayza, Medical Center Chief II iti Mariano Marcos Memorial Hospital and Medical Center iti siudad ti Batac a napalaos ti ragsak na kalpasan a nakaawat ti pammadayaw ti Gold TrailBlazer Award ti ospital iti intero a Rehiyon 1.
Segun ken ni Otayza, saan laeng a maymaysa ti adda iti likudan ti nasao a balligi ngem amin nga empleado a mangbukbukel iti ospital.
Inpakaammo ni Otayza a maysa kadagiti nagdur-asan ti ospital tapno makagun-od ti pammadayaw ket ti panagbalin a functional ti office of strategy management pakairamanan ti multi-sector governance council.
Inbatad na a babaen kadagitoy, naimanehir a naggegeddan dagiti resources.
Immuna iti daytoy, kuna ni Otayza a dakkel a tulong dagiti nagduduma nga stakeholders agraman ti koordinasyon ti nagduduma a grupo iti pannakapadur-as ti serbisyo ti ospital.
