LAOAG CITY – Nangabak ti Golden State Warriors kontra iti Memphis Grizzlies, babaen iti score a 121-113,uray no saan a nakaay-ayam ti superstar-da a ni Stephen Curry.
Agresibo ti panangrugi ti Warriors, a nagresulta ti pannakalamang da iti umuna a paset ti ay-ayam iti babaen ti tallo a nagsasaruno a three-pointers, ngem apaman a nag-adjust ti Memphis ket nangrugin nga immirot ti laban agingga a naglippas ti ay-ayam.
Iti katengngaaan ti maikadua a quarter, naproblemaan ti Warriors gapu ta nasugatan ni Jonathan Kuminga.
Nupay awan ti sumagmamano a key players, dakkel ti naitulong ni Andrew Wiggins a nakagun-od iti 18 a puntos iti maikatlo a quarter, ken nangdominar para iti Warriors.
Iti daytoy a panagballigi, ngimmato ti Warriors iti 18-16 win/loss record ken sanguenda ti Sacramento Kings iti sumaruno a laban a manamnama met nga isu ti panagsubli ni Curry.
