LAOAG CITY – Inbatad ni Governor Cecilia Araneta Marcos nga ado dagiti napaspasamak apaman a nagtugaw iti posisyon na agingga a nadanon ti maika-100 nga aldaw a mangidaulo iti probinsya.
Karaman kadagiti dinakamat na a nagduduma a pasamak ket dagiti naglabas a bagyo, gingined ken dadduma pay.
Nupay kasta, inbatad na a kas ina iti probinsya ket nagpokus iti gobierno probinsyal partikular iti sweldo dagiti empleado.
Nagyaman gapo ta rinugyan ni dati a Gobernador ken itan Bise Gobernador Matthew Marcos Manotoc ti pannakaikkat ti Salary Grade 1 ken 2 a pangrugyanan dagiti sumrek iti gobierno.
Kunana a narugyanan pay ti promotions ngem naisardeng laeng idi dandani ti election ngem itultuloy na daytoy.
Kabayatanna, inpakaammo ni Governor Marcos nga iti Imelda Cultural Center ti pakaisayangkatan met ti programa ti maika-100 nga aldaw na kas Gobernador.
Innayon na a makita ti kinapintas ti nasao a lugar nga inisyatibo ni dati a first Lady Imelda Marcos.
