LAOAG CITY – Impannakkel ni Gob. Imee Marcos a naidumduma ti kinapintas ti Ilocos Norte.
Segun kenkuana, daytoy ti napaneknekanna bayat ti panagkampaniana iti nadumaduma a paset ti pagilian.
Inlawlawagna a manipud idiay Visayas ken Mindanao ket adu ti agkakapintas a lugar a nakitana kas kadagiti napipintas nga isla, bulkan ken naruay a sabsabali pay ken agkakaimas a taraon.
Nupay kasta, inbunannagna a saan pay laeng a maartapan dagiti agkakapintas a lugar ken agkakaimas a taraon ditoy Ilocos Norte.
Kunana a naidumduma ti riknana iti kaaddana ditoy probinsia iti sidong dagiti tattao a mangay-ayat kenkuana ken iti pamiliana.
