LAOAG CITY – Mamati ni Governor Imee Marcos a matuloy ti SK ken Barangay Elections intono mayo 14 ita a tawen.
Inlawlawag na a nupay inaprubaran ti Committee on Suffrage iti kamara de representantes ti pannakaitantan ti eleksyon ket awan pay ti counterpart bill iti biang ti senado.
Inbatad na a kurangen ti oras tapno trataren ti senado gapu ta dandanin ti pannakaiyuswat ti eleksyon.
Gapu ti daytoy, inbilin ti gobernador kadagiti maseknan nga ahensya ti gobierno kas iti PNP, Philippine Army, DILG ken ti Commission on elections (Comelec) nga agsaga dan.
Kalikagom ti gobernador ti naurnus ken nalinak a pannakaiyuswat ti eleksyon.
