LAOAG CITY – Indanun ni Presidente Rodrigo Duterte ti nabara a panangkablaaw na ti maika-200 a panagkasangay ti Ilocos Norte.
Inaramid daytoy ti presidente babaen ken ni Presidential Spokesperson Harry Roque.
Ti panagbitla ni Roque bayat ti Tan-ok Festival idi rabii, inrakurak na a ni Governor Imee Marcos ti pinaka-paborito ni Presidente Duterte.
Kuna pay ni Roque a saan a malipatan ti presidente ti Ilocos Norte gapu ta isu ti kakaisuna a probinsya a nakagun-odan na ti kaadoan a botos idi 2016 elections.
