LAOAG CITY – Impakaammo ni Gov. Matthew Marcos Manotoc nga awan pay iti nadutokan ti Gobierno Probinsial a kas baro nga agtakem a mangidaulo iti Ilocos Norte Police Provincial Office (INPPO).
Daytoy ti inpakaamo ti Gobernador kabayatan ti naiwayat a press-conference iti opisina na.
Kunana nga iti mabiit a panawen ket maipatugawen ti baro a Provincial Director ti Ilocos Norte Police Provincial Office.
Inpettengna nga adda dagiti nagapplikar ngem saan pay a dinakamat ni Manotoc no adda ti napili na kadagitoy.
Ti baro a Provincial Director ket sumukat ken PCol. Juluis Suriben a nagtakem a kas Provincial Director iti dua a tawen.
Iti agdama, imabtad ti Gobernador a kabayatan a maiyur-uray ti baro a Provincial Director ket agtultuloy t panangidaulo ni Suriben kadagiti kameng ti polis ditoy probinsiya.
