LAOAG CITY – Inparuk-at ni Gov. Matthew Marcos Manotoc ti Executive Order 170-21 wenno ti Guidelines on Vaccination Requirements, Attending Gatherings and Events, and the Use of Face Shields in Indoor Spaces.
Basar iti EO, amin nga establishimento ken employers iti public ken private sector ket irequire dagiti on-site workers da nga agpabakuna kontra iti covid-19.
Dagiti saan pay a nabakunaan nga empleado ket saan a rumbeng a materminate ngem nasken a regular a dumalan da iti antigen test.
Para met kadagiti partially vaccinated nga on-site employees, saan da a dumalan iti covid test laketdi saan pay nga over due iti petsa a panangawat da ti second dose da.
Nailanad a mangiyuswat met ti random a panagbisita ti Tas Force Salun-at tapno maipasigurado a sumursurot ti amin.
Iti biang met ti panagatendar kadagiti gathering, dagiti laeng fully vaccinated ti mapalubusan.
Agtalinaed met a 70 a porsiento ti capacity ti outdoor venues ken 50 a porsiento iti indoor venues tapno maobserbar ti social distancing.
Masapol met ti panagsurat iti log book ken masapol a makita ti vaccination ken identification cards sakbay da a sumrek.
Agtalinaed met a boluntaryo ti panagusar ti face shield iti public sector idinto nga agdepende met iti private sectorno irequire da ti panagusar iti daytoy.
Amin met a maduktalan nga agus-usar ti peke a vaccination cards ket sumango iti maiyannatop a pannusa.
