LAOAG CITY – Inpasigurado ni Gov. Matthew Marcos Manotoc a maimbestigar ti maipagarop a saan a napintas a trato ti border personnel iti ili ti Pagudpud iti maysa a cargo bus driver.
Segun kenni Manotoc, nabasa nan ti artikulo mainaig iti daytoy ngem saan pay laeng a mangipaay ti naan-anay a komento.
Nupay kasta, kunana a babaen kadagiti tulong dagiti team leaders ket maimbestigar ti napasamak.
Inpetteng na na kalikagom da a disente wenno nasayaat ti panangtrato dagiti staff iti publiko.
Kabayatanna, kuna ni Mr. Ryan Remigio, ti mangidadaulo ti border control ditoy probinsya nga adda ti sabali a protocol kadagiti cargos no sadinno a ti mangsakop iti daytoy ket ti Metro Ilocos Norte Council.
