LAOAG CITY – Maalarma ni Gov. Matthew Marcos Manotoc iti maikanem a naimaldit a kaso ti COVID-19 ditoy probinsya wenno ti utility worker a tagaBrgy. Saud Pagudpud a nakaasign iti maysa a quarantine facility.
Inbatad ni Gov. Manotoc nga awan ti direct exposure ti nasao a pasyente ken saan met a nagbyahe iti sabali a lugar.
Segun ti Gobernador a saan pay a makumpirmaran no daytoy ket community wenno local transmission case gapu ta nagtalinaed met latta daytoy iti quarantine facility.
Kunana a kitkitaenda no adda ti lapse wenno breach in protocol agsipod ta kuna ni Mayor Rafael Benemerito iti Pagudpud a saan a nakaatendar ti training ti nasao a pasyente.
Nupay kasta, nagpalagip ni Gov. Manotoc aglalo kadagiti staff iti quarantine facilities a suroten dagiti preacautionary measures.
Kabayatanna, inlawlawag ni Mayor Benemerito a posible a ti nakaalaan ti virus ti IN-C6 ket ni IN-C9 gapu ta napan nagubra ti iti isolation unit a saan a kumpleto ti PPE na.
Kunana nga agtartarimaan ti CR ti IN-C6 iti quarantine facility a nagquarantinan ti IN-C9.
Iti agdama ket nakaisolate ti IN-C6 iti Gov. Roque Ablan Sr. Memorial Hospital idinto nga adda iti MMMHMC ti IN-C9.
Naituding met ti pannakaswab test dagiti agarup 60 a kadwa ti IN-C9 iti quarantine.
Nupay kasta, ururayen da pay laeng ti resulta ti imbestigasyon dagiti health officials.
