LAOAG CITY – Indeklara ni Governor Matthew J. Marcos Manotoc ti general community quarantine ditoy probinsya babaen ti Executive Order No. 60-20.
Gapu iti daytoy, dagiti lokal a gobyerno ket nasken a sumurot kadagiti direktiba ti Department of Health ken ti Department of Interior and Local Government para ti pannakaipatungpal ti general community quarantine iti masakopan da.
Basar iti Executive Secretary of the Office of the President, ti general community quarantine ket malimitaran ti garaw dagiti tattao ken nasken a dagiti uniformed personnel ken quarantine officers ket adda da kadagiti border points.
Kageddan na daytoy ti activation ti task force salun-at.
Basar iti inparuk-at ni Gov Manotoc, dagiti guideline ti general community quarantine ket mapawilan a makastrek dagiti positibo iti COVID-19 malaksid no residente da ditoy probinsya.
Pannakaiparit a makastrek kadagiti tattao nga adda iti high risk kas kadagiti ubbing, agtawen ti 60 agpangato, masikog ken dagti immunocompromised wenno with co-morbidities.
Mabalin met a makastrek dagiti health worker, otorisado a government official, dagiti agbiyahe para iti medical ken humanitarian reason, dagiti tattao nga agbiyahe a mapan iti abroad, dagiti tattao a mangipaay iti serbisyo ken public utilities ken ti sketelan workforce.
Dagiti aggandat a sumrek iti Ilocos Norte ket masapul a macheck-up no addaan ti senyales wenno sintomas ti COVID-19.
Maibilang met a PUI dagiti tattao nga agsubli ditoy probinsya nga addaan ti COVID-19 ken nasken a maidalan da iti interview, assessment ken agpirma iti Health Information Form.
Amin nga agbibiyahe ket maibilang a PUM wenno Person Under Monitoring.
Dagiti PUM ken PUI ket nasken a maipadalan da iti 14-day quarantine.
Naipawilen ti dagiti cruiseship ken commercial shipments a sumrek ditoy probinsya.
Addaan ti direktiba ni Gov Manotoc kadagiti kameng ti Bureau of Quarantine ken Philippine Coast Guard nga agsentro ti imatang da kadagiti maseknan.
Kabayatanna, adda ti maiyannatop a pannusa kadagiti mangsalungasing kadagiti pagannurutan agraman dagiti agiwarwaras ti palso a damag.
