LAOAG CITY – Nagkiddaw ni Gov. Matthew Marcos Manotoc ti nayon nga equipment para iti panangresponde kadagiti umili ditoy probinsia no adda iti sumangbay a didigra.
Daytoy ket kabayatan iti naiyuswat a situation briefing nga inatendaran ni Presidente Ferdinand Bongbong Marcos Jr. ken dagiti dadduma pay nga opisial ti ahensia ti gobierno.
Inlawlawagna a daytoy ti maysa kadagiti ipangpangrunada nga ilatangan ti pundo inton sumaruno a tawen.
Mainaig iti daytoy, mangnamnama ni Gov. Manotoc a matungpal daytoy a kiddawna iti kabiitan a panawen tapno al-alisto ti panangresponde kadagiti isolated areas ditoy probinsia.
Kabayatanna, kuna ti Gobernador a masapol nga adda ti napintas nga abbong kadagiti drainage canal gapu ta adda dagiti basura a makasullat a mangitunda ti alisto a panagleppias kadagiti kanal.
