LAOAG CITY – Nagpanawaan ni Gov. Matthew Marcos Manotoc kadagiti aglaklako iti online a saan da a gundawayan ti agipangina iti presyo dagiti lako da a face shield iti baet ti COVID-19 pandemic.
Daytoy ket kalpasan nga adda dagiti online seller a nangina ti lako da a face shield.
Patyen ni Manotoc nga alisto a ngumato ti presyo ti face shield gapu ti pammilin ti DOTr a nasken ti panagusar ti face shield iti pampubliko a lugan a mangrugi intono Agosto 15.
Saan a rason daytoy tapno agipangato ti presyo dagiti online sellers.
Kabayatanna, inbunannag ni Manotoc nga ikonsultar na iti Sangguniang Panlalawigan seknan iti multa dagiti saan nga agusar ti face shield.
Kiniddaw ti gobernador kadagiti umili ti panagsuot ti face shield agraman ti face mask tapno saan a makaptan ti COVID-19.
Naamuan nga umab-abot iti 35 a pisos agingga ti 40 a pisos presyo ti face shield ti nasken a presyo ken saan nga aglabes iti 50 a pisos.
