LAOAG CITY – Inpasingked ni Governor Matthew Marcos Manotoc iti panagsublinna iti trabaho iti kabiitan a panawen kalpasan a dimmalan daytoy iti isolation.
Daytoy ket kalpasan a nagpositibo ti resulta ti antigen test.
Iti Facebook Page na, inlawlawag ti gobernador iti publiko a dimmalan iti antigen test idi Lunes gapu ta manamnama a makataripnong na dagiti diplomats ita a lawas.
Kuna na nga idi Martes ket dimmalan iti RT-PCR test ngem negatibo ti resulta na.
Innayon ni Manotoc nga awan ti sintomas na ken inpakaammo dagiti doktor kenkuana a possible a false positive wenno ti resulta ti antigen test ket nakaduktal ti sabali a virus babaen ti cross-infection.
