LAOAG CITY – Kinumpirmaran ni Gobernador Matthew Marcos Manotoc a nagpositibo daytoy iti covid-19 antigen test.
Iti facebook live na idi rabii, inpakaammo na a dimmalanda kadagiti staff na idi miyerkules iti RT-PCR test.
Kuna na a nagpositibo iti covid-19 ti driver na idinto a negatibo kenkuana.
Inbatad na dagus a nagquarantine ken idi kalman ket dimmalan iti antigen test ken positibo ti nagbalin a resulta daytoy.
Kabayatanna, inpakaammo na nga asymptomatic wenno awan ti mapaspasaran na a sintomas ti virus.
Inpasigurado ti gobernador a natalged ti sitwasyon na ken bakunado daytoy kontra iti covid-19.
