LAOAG CITY – Inbatad ni Governor Matthew Marcos Manotoc a nakasagana nga agpabakuna kontra iti covid-19 vaccine apaman a sumangpet ti suplay ditoy probinsya.
Daytoy ti rakurak ti gobernador iti naiyuswat a press conference iti kapitolyo probinsial.
Kabayatanna, kuna ni Manotoc a nu mabalin ket dagiti agkasapulan ti umuna a mabakunaan partikular dagiti frontliners.
Nu pay kasta, inbunannag na a nu ti panagpabakuna na ti ad-adda a makagutigot kadagiti umuli nga agpabakuna ket nakasagana daytoy.
Immun-una ngem iti daytoy, inpakaamo ni Manotoc nga adda ti pannaka-delay ti bakuna manipod ti Astrazeneca rason nga ikonsiderar ti probinsya ti agorder ti bakuna a Novavax ti India.
