LAOAG CITY – Nangiparuk-at ti official statement ni Gov. Matthew Marcos Manotoc mainaig iti pannaakseptar manen dagiti returning residents sipud naipan iti Madofied General Community Quarantine (MGCQ) ti Matero Manila.
Ummuna iti daytoy, manipud Agosto 4 agingga iti Agosto 18 ket sinuspenso pay laeng ti DILG ti Balik-Probinsya Program ken Hatid Tulong Initiative.
Ita a nagngudon ti moraturium ket kaadoan kadagiti kumpirmado a kaso ditoy probinsya ket nakarekoberen ken mabalinen nga agakumodar ti gobierno probinsyal kadagiti mangayat nga agawid a kakailyan.
Inpagunam-gunam idi ni Manotoc a saan a mabalin a mailockdown ti probinsya gapo ta mandar ni Presidente Rodrigo Duterte ken IATF nga akseptaren dagiti agawid a kailyan.
Masapol met a makoordenar nga ummuna dagiti returning residents sakbay ti panagawid da kadagiti bukod da a lugar.
Iti agdama ket umaboten ti dua ribo dagiti quarantine beds ken nasurok lima ribo dagiti nakaawid a kaprobinsyaan.
Basar iti guidelines, para kadagiti returning residents ket masapol a mangala da nga ummuna ti request for entry, agfill out ti health declaration, ti memorandum of agreement ti PGIN ken LGU ken ti travel authority da.
Mandatory met ti 10-day quarantine dagiti agawid iti maysa a quarantine facility iti probinsya ken LGU ken uppat nga aldaw iti Barangay Isolation Unit sakbay a makaawid dagitoy iti pagtaengan da.
