LAOAG CITY – Pabor ni Gov. Matthew Marcos Manotoc iti pannakaisubli ti panagoperar dagit pagpallotan ditoy Ilocos Norte.
Segun iti gobernador, manarimaan ti panangputar da ti guidelines para iti panaglukat dagiti cockpit arena.
Inlawlawag na a narway dagiti maaw-awat na a kiddaw para iti pannakaisubli dagiti pagpallotan ditoy ditoy probinsya.
Naamoan a naglukaten dagiti pagpallotan dagiti sumagmamano a probinsya kas iti Ilocos Sur.
Maipalagip nga iti kallabes ket adda dagiti mangkidkidaw ti pannakaisubli ti operasyon dagiti galyeraan ken inbatad met ni Sang. Panlalawigan Member Donald Nicolas, ti chairman ti Committee on Games and Amusement a nakadepende kenni Gov. Manotoc ti desisyon.
Kabayatanna, saan met a pabor ni Manotoc iti panaglukat ti sine ditoy probinsya gapo ta ibilang na ti nasao a lugar ket alisto nga agwaras ti virus.
