LAOAG CITY – Nasayaat a relasyon ken langen-langen iti pamilia.
Kuna ni Governor Matthew Marcos Manotoc a daytoy ti kalikagumna a kanayun nga agpannuray iti maysa a pamilya.
Inlawlawagna nga awan ti gura wenno ilem iti nagbaetan dagiti miembro ti pamilya Marcos a pakaibilangan ni Mayor Michael Marcos Keon ditoy siudad ti Laoag.
Kuna na nga iti laksid nga adda dagiti sumagmamano a saanda a pagkikinnaawatan iti mayor ket nagtalinaed nga adda ti suporta na iti daytoy.
Immuna iti daytoy, inadmitir ni Manotoc a nasair ti rikna na kadagiti dadduma a naaramid ni Mayor Keon nga arig a panangkonkondenar na iti gobierno probinsyal.
Daytoy ket kas iti maipagarup a naladaw a pannakaibunong ti bakuna kontra iti covid-19 ken dadduma pay.
Nu pay kasta, kuna na a kas maysa a miembro iti pamilya Marcos ket awan ti sabali a kalikagumna ngem ketdi ti agpapada a pannakaipaay ti respeto iti tunggal maysa.
Innayun na a kaanuman ket saan a kayat ti pamilya da nga adda ti mailaksid ken arapaarap na ti panagballigi iti tunggal maysa.
Inbatad pay ni Manotoc a saan a nagtalinaed nga adda ti plano da ken ni Mayor Keon gapu ta paset latta daytoy iti pamilyada.
