LAOAG CITY – Inlawlawag ni Gob. Imee Marcos nga awan a pulos ti pammalpalatpatanna no ania ti pagbanagan ti inbestigasyon iti excise tax ti tabako.
Inbunannag ti gobernador nga iti kabibianganna ket nakasagana nga agsungbat.
Immun-unan nga impasingked ti gobernador nga adda dagiti umdas a dokumento a mangipaneknek a nausar ti excise ti tabako ti probinsia para iti pannakapasayaat ti panagbiag dagiti mannalon.
Nupay kasta, kunana a ti laeng panawaganna ket saan a mausar ti “good government” para laeng iti “local politics”.
Iti agdama, saan a masinunuo ti gobernador no itultuloy dagiti baro a kameng ti committee on good government ti inbestigasyon nga inrugi dagiti dati a miembro ti nasao a komite.
