LAOAG CITY – Kalikagom ni Governor Imee Marcos a mailako ti nanginngina a presyo dagiti mais a maapit dagiti mannalon ditoy probinsya nga Ilocos Norter.
Inbatad na nga iti panagsursursur na ket naduktalan na nga adda ti panagkurkurang ti suplay ti nasao a produkto.
Mamati a daytoy ket gapu ti pannaka-apektar dagiti mula a mais iti tikag ken layos itay kallabes.
Inlawlawag na iti panagturong na idiay Batangas ket umab-abot iti 19-20 a pisos ti presyo ti mais iti kada kilo idinto nga idiay Metro Manila ket nakigtot iti kinangina ti nasao a produkto.
Kuna na a mabalin a nangina ti mais idiay Manila gapu ta ado dagiti agkasapulan a poultry ken piggery.
Gapu ti daytoy, inpasingked ti gobernador nga ikabil na idiay Manila dagiti produkto a mais dagiti mannalon ditoy probinsya tapno dakdakkel ti paglakoan da.
