LAOAG CITY – Kalikagum ni Governor Matthew Marcos Manotoc a mang-hire kadagiti mas ub-ubbing nga empleado tapno isuda ti madutokan a mangidaulo kadagiti nagduduma a pagopisinaan iti gobierno probinsial.
Daytoy ti inbatad ti Gobernador kageddan iti panagretiro dagiti sumagmamano a Department Head ita a tawen 2024.
Inbatad ti Gobernador nga agsarak da kadagiti baro nga indibidwal nu awan ti makitada a mabalin a mangidaulo kadagiti agdama nga empleyado.
Patien na nga iti daytoy a panawen ket kasapulan a makigiddan ti Gobierno Probinsial iti panangbuangay kadagiti baro a programa ken aktibidad a maiyannatop iti moderno nga henerasyon, babaen iti panagkonsiderar kadagiti ub-ubing nga aplikante ken empleado nga adaan iti naisang-sangayan a talento a makatulong iti panangpadur-as kadagiti gagem ti probinsya.
Iti agdama ket nangrugidan a nagawat kadagiti aplikante ken inpanamnamana a dagiti maala da ket kabaelan da nga aramiden iti responsibilidad da ken kabaelanda ti makaipaay iti napintas a serbisyo.
