LAOAG CITY – Kalikagum ni Gov. Cecilia Araneta Marcos nga adda ti defibrillator a mairuar iti clinic ti Laoag International Airport.
Segun kenkuana, agop-operar ti defibrillator iti eropuerto idiay Manila.
Inbatadna a saanna a kayat a mapasamak iti sabali ti napasamak iti asawana a ni dati a Sangguniang Panlalawigan Member Mariano “Nonong” Marcos II idi 2019.
Kiniddaw ti Gobernador ken ni Atty. Rizza Vallestero, ti Civil Aviation Authority nga insigida nga aramidenda ti kalikagumna gapu ta responsibilidadda daytoy.
Mainaig iti daytoy, inpasigurado ni Atty. Vallestero a maipakaammo daytoy iti Civil Aviation Authority of the Philippines Manager.
Kabayatanna, inpakaammona nga adda ti nurse kadagiti clinic iti eropuerto iti arrival ken departure.
