LAOAG CITY – Mapadayawan iti mabiit ti tallo a taga Ilocos Norte iti maysa a mabigbig nga “award giving” body” ditoy pagilian.
Daytoy ti napintas a damag a pinasingkedan ni Sang. Panglungsud Member Handy Lao ti siudad ti Laoag.
Segun kenkuana, karaman da ken ni Gob. Imee Marcos a napili ti Philippines Faces of Success ken maysa pay a taga ditoy Ilocos Norte.
Inbunannagna nga awaten da ti nasao a pammadayaw iti masungad a bulan ti Septiembre idiay Manila.
Kuna ni Lao a ti gobernador ti napili ti nasao a grupo nga “outstanding governor”.
Imbatadna nga adda dagiti nadumaduma a “criteria” iti pannakaipaay ti nadakamat a pammadayaw kas iti “business sector”, Local Government Unit, ken brand wenno produkto.
Inlawlawagna a maibilang kadagiti nagbasaran iti pannakaipaay ti pammadayaw ket iti pakasaritaan ti tunggal maysa nga awardee.
Mainaig iti daytoy, naruay dagiti opisial a mamati a daytoy napintas a damag ti manamnama a mangitag-ay manen iti imahen ti Ilocos Norte.
Maipalagip a ni Gov. Marcos ket immunan a nagbalin a “hall of fame” nga outstanding governor iti babaen ti Superbrands Marketing International Inc.
