LAOAG CITY – Maragsakan ni Gov. Imee Marcos ti pannangrugi ti Korte Suprema nga agtignay seknan ti electoral protest ni dati a Senador Bongbong Marcos.
Reaksyon daytoy ti gobernador mainaig iti nasao nga electoral protest.
Daytoy ket kalpasan nga adda ti pammilin ti korte suprema nga agbayaden ni Marcos iti nasurok kumurang nga 36 milyon a pisos ken ti prinotestaan na a ni Bise Presidente Leni Robredo.
Kuna ni Gobernador Marcos a kalikagum na a mangrugin daytoy kas iti kalikagum met laeng ti kabsat na ken ti sibubukel a pamilya na.
Inbatad na a daytoy ket tapno maamoan no siainno a talaga ti kinayat nga inbotos dagiti umuli ti pagilyan a kas Bise Presidente itay napalabas nga eleksyon.
Dinawat ni Gobernador Marcos ti panangikarkararag dagiti Ilokano iti panagballigi election protest ti kabsat na.
Dakkel ti namnama da a no maribisar a nalaing dagiti resulta ket ti dati a senador ti maitandudo kas Bise Presidente ti pagilyan.
Ti agdama ket adda ni Goberbador Marcos iti pagilyan a Japan ken manamnama nga agturong pay idiay South Korea para iti official visit na.
