Dinayaw dagiti naruay a ganganaet kangrunaan dagiti Chinese ni Gov. Matthew Marcos Manotoc iti panagbitla na bayat ti panaglukat ti Sisterhood International Conference idiay Shandong, China.
Daytoy ti inpannakkel ni Sang. Panlalawigan Member Domingo Ambrocio kalpasan a nakasangpet da manipud idiay China.
Segun kenkuana, pinalakpakan dagiti timmalantan iti nasao a komperensya ti bitla ti Gobernador nupay ababa ket namsek ti linaon na.
Inbatad na a kas kadagiti gundaway a panagbisita ti delegasyon ti Shandong ditoy probinsya ket adda dagiti nangisalin iti Chinese ti bitla ti Gobernador gapu ta kaaduan a Chinese ket makaawat laeng iti pagsasao da.
Kuna ti Bokal a tunggal lider ket naikkan ti gundaway a nangiladawan iti idadauloan na a lugar.
