LAOAG CITY – Nagbalin laengen a 15 nga aldaw ti kapaotan a maited a panagbakasyon idiay abroad dagiti opisial, Department Heads ken empleado ti gobierno probinsyal ditoy Ilocos Norte.
Daytoy ket maibasar iti inparuk-at a pammilin ni Gob. Matthew Marcos Manotoc a naibunong kadagiti amin a pangopisinaan iti kapitolyo probinsyal.
Gagem ti Gobernador ket tapno saan a maapektaran ti pannakaitantan ti transaksyon ti Gobierno Probinsial ken saan a mabaybay-an ti mapanawanna a trabaho ti maysa nga empleado kabayatan ti panagbakasyon na idiay ballasiw-taaw.
Naipalaon pay iti pammilin ti gobernador a dagiti agkiddaw a maiyalud-od ti bakasyon na kabayatan ti kaadda nan idiay ballasiw-taaw ket possible a saan a mapatgan.
Maipalagip nga iti dati ket innem a bulan ti mabalin a panagbakasyon idiay abroad dagiti opisial ken empleado ti Gobierno Probinsial ngem bimmaba daytoy ti 22 nga aldaw ken iti agdama ket 15 nga aldaw laengen.
Kabayatanna, sakbay a mapalubusan dagiti opisial ken empleado ti Gobierno Probinsial nga agbakasyon idiay abroad ket dumalan pay laeng dagiti aplikasionda opisina ti Gobernador.
