LAOAG CITY – Mangnamnama ni Gov. Matthew Marcos Manotoc a malpasen ti pannaka-renovate ti Laoag International Airport iti kabiitan a panawen.
Segun kenkuana, apaman a naan-anay a malpas ti pannaka-renovate ti nasao nga eropuerto ket agbalin a nalawlawa daytoy ken naruay a pasahero ti maakomodarna.
Inbatadna nga adda pay ti skyline feature ti Laoag International Airport.
Inlawlawagna a babaen iti daytoy ket ad-adda pay a magutigot dagiti turista nga agpasiar ditoy probinsia.
Innayonna a ti pannakapasayaat ti nasao nga eropuerto ket dakkel a makatulong para iti panagdur-as ti ekonomia ken turismo ditoy probinsia.
