LAOAG CITY – Inlawlawag ni PCpt. Mark Jeffrey Juan ti legal officer ti Ilocos Norte Police Provincial Office ken ni PMaj. Jephre Taccad ti pannakangiwat ti Ilocos Norte Police Provincial Office mainaig iti inpaulog ni Gov. Mathew Marcos Manotoc, ti gobierno probinsial, nga Executive Order No. 233-24, no sadinno a maysa daytoy a pagannurotan a nangipatungpal iti curfew hours idi kalman (Oktubre 29) manipod alas 10:00 iti rabii agingga itay bigat iti oras ti alas 4:00 ti bigat.
Imbatad ni PCpt. Juan a naigget ti panagmonitor dagiti kameng ti polis tapno masigurado ti linak ken talna iti pagillian.
Iti executive a nairuar awan pay ti naikabil a multa ngem iti biang ti pulisya, kinuna da tiliwenda dagiti aglabsing iti daytoy a pagannurotan.
Innayon na a ti maysa gagem ti nasao nga ordinansa ket mangprebentar iti isyu nga agwarwaras mainaig iti vote buying. Kabayatanna, inpakaammo met ni PMaj. Taccad a naiget pay ti panagmonitor da iti liquor ban ditoy probinsia.
Kabayatanna, inlawlawag ni Atty. Alipio Castillo, Provincial Supervisor ti Commission on Election ditoy Ilocos Norte nga adda karbengan dagiti lokal a gobierno ken dagiti barangay a mangipatungpal ti executive order wenno ordinansa maipanggep ti curfew ken liquor ban ditoy probinsia.
Segun ken ni Castillo a daytoy ket wagas tapnon awan ti masalungasing a pagannurotan.
Innayon na a masapol a dagiti ipatungpal a resolusion ken ordinansa ket saan a kontra iti pagalagadan ken ordinansa ti agdama a pagannurotan ti Commission on Election. Maipalagip a ti liquor ban ket naiyuswat idi kalman agingga a malpas ti kaaldawan ti eleksyon.
