LAOAG CITY – Sinuspenso ni Governor Matthew Marcos-Manotoc ti klase manipod pre-school agingga ti senior high school, pampubliko man wenno pribado a pagadalan iti intero a probinsya.
Daytoy ket basar iti facebook post ni Governor Manotoc gapu ta naibayugen ti pagsenyalan numero uno ti bagyo Jenny ditoy Ilocos Norte.
Inbalakad pay ti gobernador a masapol nga agridam dagiti umili tapno maliklikan dagiti saan a nasayaat a pasamak a gubuay ti bagyo Jenny.
Iti agdama, naiget ti panagmonitor ti gobernador ken dagiti aminen nga opisyal ti gobierno iti daytoy iduduprak ti bagyo Jenny ditoy probinsya.
