LAOAG CITY – Manamnama ti pannakaipasdek ti Government Center iti Brgy. Talingaan ditoy siudad ti Laoag.
Daytoy ket kalpasan ti pannakagatang ti sangapulo nga ektaria a lote nga agbalor iti 15 a milyon a pisos manipud iti Philippine Public School Teachers Association.
Mainaig iti daytoy, naiyuswat ti Deed of Seal babaen ken ni Mayor Michael Marcos Keon ken dagiti opisial ti Philippine Public School Teachers Association.
Segun ken ni Atty. Marilyn Garinoza, Presidente ti Philippine Public School Teachers Association, babaen iti daytoy ket makatulongda kadagiti umili nga agkasapulan ti tulong.
Inbatadna a naggapuda iti Philippine Public School Teachers Association Nationwide a tumultulong kadagiti nagduduma a lokal a gobierno.
Kunana a napintas nga adda ti nayon a lote para iti lokal a gobierno tapno adda ti mausar a pakaisayangkatan dagiti dadduma pay a programa ditoy siudad.
