LAOAG CITY – Inpasigurado ti government’s anti-insurgency body nga awan ti pakadanagan no maipapan iti panagngatu ti badyet inton 2025, a pagamkan ti dadduma a sektor a mabalin a mausar para iti midterm elections inton sumaruno a tawen.
Segun ken ni Undersecretary Ernesto C. Torres Jr., Executive Director ti National Task Force to End Local Communist Armed Conflict (NTF-ELCAC), no mausar ti kanayunan a badyet ti SBDP wenno Support to Barangay Development Program ken dadduma pay a task force initiatives iti mapaspasangasangan nga eleksyon ket agbalin daytoy a “cash cow” a mang-insulto kadagiti stakeholders ken peace advocates a nangipaay iti panawen, talento, ken nangirisgo iti biagda tapno maragpat ti panggep ti pagilian.
Inkari ni Torres nga adda naiget a proseso ken monitoring, agraman ti multi-level coordination mangsigurado nga umno ken balanse dagiti amin nga aspeto ti implementasyon ti Support to Barangay Development Program.
Maipalagip nga immunan nga inaprobaran ni Presidente Ferdinand R. Marcos Jr. ti pannakaingato ti P2.5 million allocation para iti tunggal maysa kadagiti 864 a benepisiario ti barangay iti P7.5milion gapu ta ti P2.5 milion ket arigna saan a makita ti epektona no maipapan iti panagdur-as.
Suportaranna met ti pannakailatang ti P10M para iti tunggal maysa kadagiti 780 a barangay iti sidong ti Support to Barangay Development Program.
Malaksid iti daytoy, kuna ni Torres a ti kanayunan a badyet ket kabaelan na a tamingen dagiti pangta ditoy pagilyan, agraman ti maipapan iti external security iti West Philippine Sea.
Kabayatanna, mangnamnama ni Torres a makita dagiti mangidadaulo a ti nasao a programa ket saan a kas maysa a gastos no di ket kas maysa a napateg a panagpuonan iti pannakasiguro ti kappia ken panagdur-as ti pagilian.
