LAOAG CITY – Umanamong ni Governor Cecilia Araneta Marcos iti lungalong a pannakaitantan ti Barangay and Sanguniang Kabataan Elections iti daytoy a tawen ken iti pannakaibalbaliw a mapagbalin a lima a tawen ti tunggal termino dagiti barangay officials.
Pateinna a ti agdama a tawen iti tunggal termino dagiti opisial ti barangay ket bassit ken saan a makaanay tapno ipatungpal ti amin a kalikagumda para iti pannakaipapintas ti barangay.
Kinunana a daytoy tallo a twennan kas maysa a Gobernadora ket mangrugrugi isuna iti umuna a tawen tapno makapag-adjust, ket iti maika-dua a tawen ket iso pay laeng ti panag-kutina gapu ta agsursuro pay laeng iti umuna a gundaway.
Ket no iso ti masurot, kinuna ti Gobernador a napinpintas no lima a tawen met ken dua a termino ti maipaay kadakuada.
Maipalagip nga iti agdama ket nabara a pagsasaritaan ti panggep iti lungalong a maitantan ti Barangay and Sanguniang Kabataan Elections ken ti panagbalinna a lima tawen ken dua a termino dagiti opisial ti barangay.
